町町丼丼 (威靈頓街) (已結業)

今次去呢间日式丼饭专门店，位于威灵顿街嘅町町丼丼order外卖，有好多款丼饭和日式小食选择，呢一区嚟讲，性价比认真高。店内有个饮品柜，可以自选健康嘅冷泡茶或者汽水。我拣咗冷泡白桃乌龙，茶味都几香！而每个外卖嘅𩠌同主食都分开摆放，好细心👍🏻返到去，依然keep到水准。韩式牛肉部队锅配乌冬：我选择再加$4转乌冬，配料好丰富，有香肠、豆腐、金菇、泡菜、午餐肉，汤底色泽鲜红微辣带甜，同爽滑嘅乌冬面好夹。吉列猪扒荞麦面猪扒外层金黄，入口酥脆，肉质不柴有汁，个人觉得荞麦面再冻冰冰啲会更好。汁烧鳗鱼丼鳗鱼大大条，肉质嫩滑又juicy，照烧酱汁甜甜地，有浓郁嘅烤香味，份量都算多，唔错！