小娘惹 (已結業)

听闻附近有间铺平日只做lunch时段， 而星期日亦只做三个钟， 卖哂就无，咁巴闭一于试下先。招牌娘惹海虾喇沙 $70面底系有油面及米粉，令你食落有双重口感，而配料分别有狮蚶4粒、虾3只、鱼片、豆卜及鸡蛋等，用熟狮蚶做配料，比较特别，好少地方食到， 虾大只，爽但没有虾味。主角喇沙汤底， 用上十多款香料而成的， 椰奶味重，汤底细滑香浓而不辣，其实用黎捞饭食也不错。正宗古早肉骨茶 $70等了又等， 由落单到上枱，足足等左25分钟先有得食🙁。娘惹肉骨茶药味好淡，易入口， 而肉就一嚿稔滑一嚿如煲汤肉一样韧🙈。