寶哥味館 (已結業)

另一半对食看似冇要求，但实质要求多多。特别系一定要食新鲜嘢！打边卢好多人贪平，去食D百几二百蚊任食，但最后加加减减之后都要差不多三百蚊一位！因为咁，我哋而家打边卢返而贵精不贵多！ 呢间价钱唔算平，但足料，样样新鲜！手切什么M5和牛，看上份量唔多，但两个人食就刚刚好！牛肉有眼睇！新鲜肉色冇得厄！竹笙虾胶，口感脆脆，虾味十足，唔似用死虾嚟做！精彩的系呢碟脆腩！出面食脆腩真系经常中伏，呢度系绝对100分！大大嚿，唔多骨，爽脆，鲜，冇鮏味，绝对新鲜！一碟虽然只有几嚿，但总好过一大碟冇一嚿食得！菜同响令系边炉必备！一样冇得弹！唔怪得可以系呢区咁多年不倒！