影片
更多
2015-12-05
1403 浏览
有朋至远方来，希望食特别野？咁先黎试陈六记招牌碳烧五层楼烧肉啦！难得北上黎到我地盘，当然由我揾定位先，饭市食客甚多，唔想坐路边、唔想搭枱，等左十分钟终于有位喇，但只得张大枱啰。坐低无耐，朋友们都未到已经有个大陆婆带住香港佬搭多件 BB 搭枱，好吵耳啊！好采有野食时都静左落黎啫。雪耳冬菇猪骨汤，烧味店既例汤一向无得输，大量下栏猪骨猪肉掉去肴汤，味精都悭返，好饮例汤坚美味，冬菇滑弹、雪耳嫩滑，成窝清晒一滴不漏。碳烧五层楼烧肉例牌，除左第一次既时候有惊叹既感觉外，之后翻卓过几次，越食越觉得平庸乏味，不过佢既卖相及传说又真系好吸引既，但试多几次后会觉得不外如是，而且我又喜欢四围走四围试，食过更好味既烧肉呢。都唔难食既，大路皮脆肉嫩，咸香合格，但比上次差左少少，硬系觉得欠缺左鲜味啰，味道好阴沉，无咩活力！真系每食一次就差一次，硬系觉得隔夜唔新鲜，硬系觉得翻烧，层皮好假又好硬，系就系做到五层，卖相都一流，但点解无猪肉鲜甜味架呢？肉汁欠棒，味道死实，食完一旧已经唔想食第二旧，失望。蒜子大鳝煲，好好味，居然有惊喜！当唔知食咩既时候一枱起头就望到大鳝煲，系您喇！鳝辘肉质结实，爽滑系极新鲜既证明，烧肉跟面
有朋至远方来，希望食特别野？咁先黎试陈六记招牌碳烧五层楼烧肉啦！难得北上黎到我地盘，当然由我揾定位先，饭市食客甚多，唔想坐路边、唔想搭枱，等左十分钟终于有位喇，但只得张大枱啰。
坐低无耐，朋友们都未到已经有个大陆婆带住香港佬搭多件 BB 搭枱，好吵耳啊！好采有野食时都静左落黎啫。
雪耳冬菇猪骨汤，烧味店既例汤一向无得输，大量下栏猪骨猪肉掉去肴汤，味精都悭返，好饮例汤坚美味，冬菇滑弹、雪耳嫩滑，成窝清晒一滴不漏。
碳烧五层楼烧肉例牌，除左第一次既时候有惊叹既感觉外，之后翻卓过几次，越食越觉得平庸乏味，不过佢既卖相及传说又真系好吸引既，但试多几次后会觉得不外如是，而且我又喜欢四围走四围试，食过更好味既烧肉呢。都唔难食既，大路皮脆肉嫩，咸香合格，但比上次差左少少，硬系觉得欠缺左鲜味啰，味道好阴沉，无咩活力！
真系每食一次就差一次，硬系觉得隔夜唔新鲜，硬系觉得翻烧，层皮好假又好硬，系就系做到五层，卖相都一流，但点解无猪肉鲜甜味架呢？肉汁欠棒，味道死实，食完一旧已经唔想食第二旧，失望。
蒜子大鳝煲，好好味，居然有惊喜！当唔知食咩既时候一枱起头就望到大鳝煲，系您喇！鳝辘肉质结实，爽滑系极新鲜既证明，烧肉跟面酱既咸香已完全浸入鳝肉每个细胞，香甜惹味，而且肉汁丰富，令到肉质更滑，满分！烧肉、冬菇、竹笋、腐竹都十分美味。
西兰花双鱿，都唔差，满意！西兰花超级爽甜又够热，唔会生都似沙律、唔会腍到似浆糊。干鱿嘋浓带鲜、鲜鱿爽滑带甜，无投诉！𠱞𠱞𠱞、𠱞𠱞𠱞，无晒！添少少虾酱点缀更有风味。
清汤萝卜牛腩煲，点解会系咸菜胡椒汤呢？仲要微暖唔够热。而且味道完全唔夹，牛腩带强膻味，大大旧又非常结实，麻麻地。萝卜无味，劲搞笑。
椒盐鹅肠，从未试过，令我谂起十几年前系深圳食既椒盐沙虫，外观有几分相似。炸粉太多，炸到干硬又唔多食到鹅肠，欠了蒜蓉、辣椒既香口惹味呢，一试无妨，椒盐沙虫更好味。
熏蹄油鸡髀饭，熏蹄大部份都系皮而瘦肉少，浸醋食都唔错，捞埋饭食好美味醒胃。油鸡豉油味清香带微甜，不过咸又不呛，满意。鸡肉质地较硬实，皮薄滑溜，合格。烧味豉油、葱油、鸡肉、熏蹄捞埋饭一齐食都算好食，起码比烧肉好，虽然每样食材其貌不扬、质数平平，但团结一致都能发挥所长，好食。
陈太本来 order 烧鸭叉烧饭，点知侍应阿姐落错单比左烧肉叉烧，当然要求换啦！已经有碟烧肉，唔洗再烧肉喇。点知阿姐嘴妙妙唔想换，仲话虽然有碟烧肉啫，碟饭都系多几旧之麻。我地都话要换咯，人家要既系烧鸭唔系烧肉呀！讲咁多咁又系要攞返去换，浪费时间！
张贴
