上岸料理 (已結業)

最近都好晏先收工, 有时返到屋企又无野好食, 今日迟左收工索性同同事去食日本菜对自己好一点食餐好既。去左依间位于棉登径既日本料理餐厅, 简约既外门好似去左日本一样一入餐厅, 店员友善问我地几多位再带我地入座, 虽然店内唔算大, 但胜在座位宽敞坐得舒服, 毫无压方感, 系我地谂紧食咩好时, 店员为我们递上热茶同抹手巾, 非常体贴<<日本生白粟米>>依款系冻食前菜, 店员话白粟米好罕有, 刚好依几日返左货, 粟米完全无煮过, 系全生的, 咬落好爽脆, 比一般既黄粟米更加香甜, 真系好好食, 虽然唔系时常返货, 如有返货确实可叫黎尝尝, 超推介!<<呑拿鱼温泉蛋沙律>>沙律用左透明器皿装著, 好似盆栽一样美, 面头有数粒呑拿鱼, 旁边系流心温泉蛋, 再倒入紫菜沙律油一齐拌匀, 入口好重蛋香味, 夹杂沙律油既少少酸味, 清新爽口食完前菜又点少得食刺身拼盘, 刚好今日餐厅返左依几款新鲜鱼和贝类, 所以我们每款都叫左少许来尝尝当中有竹签鱼 深海池鱼 石垣贝 赤贝紫酥卷 赤贝同红衫鱼共六款刺身组合先食深海池鱼, 厚切大块, 口感嫩滑,