樂園 (已搬遷) 新店位置

见到系得奖食店，所以一试，经openrice订枱，然后职员会WhatsApp 叫我落$300订金，先至可以真正订到枱，否则会被取消。入到店内，感觉有点像家庭式餐厅，装修环境非常简单，家私款式好普通，好彩有得意猫猫可以令客人转移视线，气氛还可以。芝士流心旦，用烟肉包住做成批边，内有芝士同流心旦，好味，法兰克福肠、伴沙律食嘅芝麻酱同茄汁系现成制成品，没有特别，沙律菜同薯角都系基本食物，价值$168，感觉有点不值。黑松露鹅肝意大利饭，有黑松露一定香，鹅肝煎得不够香脆，意大利饭的煮法比较港式稔身，味道浓而偏咸，没有正常意大饭的咬口，不值$198。总结，食物味道合格，可能地区租贵，店内环境同食物真的不值这价钱，如果每样食物大约$100～$120，我都会再去，另外，没有免费水，要饮水就要俾$25买一枝细嘅法国矿泉水，要加餐汤饮品，最少要加$68，所以加加埋埋，平均一个人要$300，真系唔值。