尚點 小籠包.上海麵館 (元州商場) (已結業)

Facebook宣传有杯缘子换，好想换阿辉同菇时，所以特登过嚟；尚点啲分店位置真系有啲唔方便，真系要山长水远过嚟～食二人餐可以免费换两只杯缘子，其实咁样比较抵；但系自己有执著食上海野一定要食某几样野，所以二人餐嘅内容唔系咁吸引，好彩佢有个选择系食其中的一样麦兜嘅食物加＄10可以换一只，有弹性嘅选择～ 前菜，叫咗尚点凉菜四款＄78，叫咗四季豆青瓜清爽健康好好味，脆皮素鹅都好味，排骨普通～熏蛋＄26两只，普通～小笼包＄36四只，个皮就有啲硬～椒盐小黄鱼，两条＄78，妈咪嘅至爱嘅菜式，外皮干脆好味～油菜＄28价钱算平～跟住叫咗椰汁糕绿茶味同朱古力味$26一个，为咗可以换过杯原子，整得个图案都好清楚得意，第一次未换到想要嘅，好彩第二次换到阿辉同菇时，不枉此行～