Feast Oyster Bar and Restaurant (已結業)

呢晚到左中环嘅西餐厅Feast Oyster Bar 吃丰富嘅晚餐～餐厅装潢有格调，座位宽敞，而且枱与枱之间有相当距离，唔怕倾计嘈亲隔离～真系从未试过咁抵嘅价钱可以食到咁高质嘅日本生蚝和好饮嘅白酒，绝对唔系十蚊蚝𠮶啲质素，白酒仲要成支上㖞！$298就有一打生蚝同一支白酒喇～ 大家要把握呢个promotion啊～日本蚝【真牡蛎】非常新鲜，鲜甜肥美有海水味～服务员也很细心，会不时为我地湛酒～食物很精致而且质素很好，但价钱并不算贵，性价比高～【黎麦籽沙律】黎麦籽配多款蔬菜和蕃茄，十分健康，蔬菜十分新鲜，吃后有饱肚感，加入黑醋很美味啊～【温泉蛋卡邦尼阔条面配巴马火腿干】好惹味，温泉蛋令阔条面入口更顺滑，同巴马火腿干一齐食，提升层次感～甜品点左【apple crumble】，热辣辣、香喷喷，闻到好香浓嘅苹果味，面头洒上糖份，食落唔会酸，更易入口～ 配埋云尼拿雪糕一齐食，冰火交溶，为是晚写上圆满的句号～