鄧記

营业中

休息中

平日lunch，人流唔算多。餐厅位于某大厦一、二楼，门口直上楼梯就到。场内环境灯光较为暗黄，营造氛围都较舒适，及好安静。三人食得唔多，叫咗一个二人餐，加一份套餐。上菜份量亦都系较轻盈。茶有香味。先上前菜拍青瓜，白肉，炒青菜，及口水鸡（一人餐）等青瓜及青菜冇咩特别，口味清淡。而口水鸡的确系嫰滑，辣度适中，就算唔食得辣嘅人都接受到。白肉亦唔错反而期待嘅水煮鱼上枱时有啲失望，盘大鱼少酸菜更少，鱼滑但唔似新鲜鱼（可能唔同地区有唔同用料），辣度后劲较强。饭后甜品有热：汤丸，冻：冰粉冰粉食嘅时候冇味，以为系特色，但问一问店员，先知原来杯底应该有糖浆，但我地𠮶杯比较少，所以食唔出味。然后店员喺我地走之前，奉上另一杯满满糖浆嘅冰粉，俾我地食到原有味道，姐姐贴心加分！