Cafe Paradise (砵蘭街) (已結業)

有朋友生日，想揾间餐厅庆祝，上网见到呢间cafe环境唔错，而且位于太子近地铁站，于是就决定试一试。餐厅顾客比较多，好好彩有订位，所以可以即时入座。餐厅食物嘅款式都几多，不过贪方便叫咗套餐。套餐包沙律、汤、主菜、甜品、嘢饮，超级丰富。1) 烟三文鱼天使面 (⭐⭐⭐⭐⭐)天使面份量都几多，好香口，卖相都几吸引，尤其是上面𠮶大块烟三文鱼。三文鱼比较新鲜、薄身，食落有口感。2) 香脆猪手 (⭐⭐⭐⭐⭐)香脆猪手由烧汁煮成，香脆猪手切成一旧旧，可以同朋友share。同烧汁味道配搭一流，几钟意个猪手，唔算太咸亦都唔算太肥腻。3) 心太软雪糕 (⭐⭐⭐⭐⭐)跟餐嘅甜品有四款，拣咗心太软雪糕。因为朋友生日，所以预先叫咗餐厅系甜品上面写生日快乐俾我个朋友。餐厅好细心，建议我哋写埋朋友个名上去。心太软嘅质感软熟，同碟有雪糕，冰火双重嘅口感超正。4) 云呢拿雪糕饮品 (⭐⭐⭐⭐⭐)雪糕配汽水几特别。汽水入面嘅冰，有助保持雪糕嘅温度，令雪糕唔会咁容易溶掉。而且雪糕有个名堂叫做「白马」，几搞笑。整体嚟讲，对呢餐都几满意。