Go Dutch Cafe

营业中

休息中

出开来旺角做嘢，梗系食埋饭先至返屋企。系呢幢大厦有好多食肆，晚上基本上都要排队先至上到楼，一出电梯见到我中间个吊灯，睇落好似好高级同埋好有格调。两人晚餐有一款小食、两个主菜、甜品同埋饮品，$400楼下，价钱唔算贵。佢哋嘅小食款式都几多元化，有西式、港式到日式都有，真系好佩服呢啲厨师嘅手艺。小食点左我最钟意嘅日式吉列炸蚝，炸得有水准。黑松露软壳蟹意粉系冇㗎炸粉，原只软壳蟹炸完后上碟，更加食到蟹嘅原汁原味，黑松露唔算好浓但都足够，意粉嘅汁好 creamy，份量好大。德国咸猪手配薯角系呢度嘅受欢迎嘅菜之一，薯角好甜亦都炸得好脆，咸猪手好淋好野味，加咗少少糖喺面，增加味觉层次，起了猪骨食嘅时候更加方便。佢哋嘅饮品选择亦都超过几十款，样样都好似好吸引，唔知点样拣，最后叫咗一个薄荷朱古力同焦糖拿铁，两杯造型睇落都相似，两款饮品都有水准。呢度最好嘅地方都算坐得阔落，有副大玻璃感觉开杨，坐低食饭慢慢吹水真系唔错。