影片
更多
2023-12-24
44 浏览
呢间西餐厅坐落喺北角汇，对出就系海景，有室内室内位置，用上复古水手风格装修⚓️，几靓几阔落。菜式选择好多，由pizza、意粉、意大利饭、扒类乜都有齐，仲加入东南亚fusion特色，有一啲中东口味嘅西餐，菜式整体都比较重口味！餐厅仲有提供set menu，三百几蚊已经有两个main，仲要大大份，真心抵食！------------------------------🐟◖吞拿鱼金块配芒果辣酱◗ $148吞拿鱼厚切，裹上芝麻粒，食落好香好脆，淋上秘制芒果辣酱，辣辣地又几清新🥩◖肉眼扒12 oz◗ $298个肉眼扒真系好大块，叫咗五成熟，里面嘅粉红色超鲜嫩！肉质好软腍juicy，牛味浓郁，而且带炭烧嘅香味，简单点少少盐已经好够，推介！🍖◖炭烧猪肋骨（半）◗ $178半分猪肋骨都唔少嘢，有成六条骨，啲肉超易拆啖啖肉！面头涂上茄汁底嘅烧烤酱，再拎去烤焗，边位有少少脆口，腌得几入味🌮◖墨西哥鸡肉夹饼◗ $128墨西哥夹饼里面满满嘅芝士同鸡肉馅，配上三种酱料：牛油果酱、莎莎酱同sour cream，觉得牛油果酱同佢配合得最好。整体味道觉得还好，略嫌馅料偏咸少少，唔太食到芝士或者鸡肉嘅香味～🥭◖Ma
------------------------------
🐟◖吞拿鱼金块配芒果辣酱◗ $148
吞拿鱼厚切，裹上芝麻粒，食落好香好脆，淋上秘制芒果辣酱，辣辣地又几清新
🥩◖肉眼扒12 oz◗ $298
个肉眼扒真系好大块，叫咗五成熟，里面嘅粉红色超鲜嫩！肉质好软腍juicy，牛味浓郁，而且带炭烧嘅香味，简单点少少盐已经好够，推介！
🍖◖炭烧猪肋骨（半）◗ $178
半分猪肋骨都唔少嘢，有成六条骨，啲肉超易拆啖啖肉！面头涂上茄汁底嘅烧烤酱，再拎去烤焗，边位有少少脆口，腌得几入味
🌮◖墨西哥鸡肉夹饼◗ $128
墨西哥夹饼里面满满嘅芝士同鸡肉馅，配上三种酱料：牛油果酱、莎莎酱同sour cream，觉得牛油果酱同佢配合得最好。整体味道觉得还好，略嫌馅料偏咸少少，唔太食到芝士或者鸡肉嘅香味～
🥭◖Mango Smoothies◗ $48
芒果沙冰打得好幼滑，饮落味道唔会好假好甜，唔错！
🌟 Encore指数：8.9/10
张贴
