同撈同煲

营业中

休息中

今日去咗九龙城嘅同捞同煲打边炉，呢间火锅店系做咗香港怀旧特色装修，好有香港旧式情怀！先叫左个胡椒猪肚少爷鸡煲，胡椒猪肚汤底少少辣，少爷鸡鸡味浓郁有口感，鸡同猪肚份量都好充足！之后火锅配料叫咗封门柳，响铃，美人饺，鸳鸯蚌！另外仲叫左小食老友鬼鬼，黑松露墨鱼滑酿油炸鬼，好好食！封门柳牛味重，部位稀少，唔系好多餐厅有得食！美人饺内藏桃胶，女仔愈食愈靓！即炸响铃非常脆口！珊瑚蛑同桂花蛑新鲜爽口！最后仲叫左花生糖不甩同啫喱，啫喱有遮仔，好有旧式冰厅既感觉，花生糖不甩系即场整，真系第一次见，感觉好特别！另外一提就呢度既自家制饮品唔错，菊花蜜清甜几好饮！