城市匯 (已結業)

放工后约咗朋友喺尖沙咀行街，行到TheOne附近开始肚饿，就睇下附近有咩食。喺Openrice search下见到呢间餐厅好似几好，就去试下。入到去装修环境确实唔错，餐厅分咗室内室外两part ，室内空间唔算大，而室外就铺晒草皮可以饮下酒咁都几chill。至于野食方面，先送上面包，面包用个铁盒装住几特别，暖暖地唔会太硬。主菜我拣咗慢煮西班牙黑毛猪脊肉，卖相唔错，本身都惊猪会好靭，但切落好淋，再加上猪脊肉上面加咗层面包糠，脆脆地几好食。呢个真心推介。而我朋友就拣咗海鲈鱼柳配牛油果酱。朋友觉得鱼柳味道啱啱好，但我食落就觉得咸咗少少。而鱼柳下面就铺咗炸过嘅羽衣甘蓝垫底，咸咸地几正。整体黎讲环境嘢食都唔错，但如果食物份量可以大啲就更好。下次揾日Happy Hour嚟饮嘢先。