Lagom Kaffe (已結業)

去附近探朋友问佢有咩推介餐厅，佢就介绍左呢间。虽然有黎开呢一头但真系唔知呢度一楼竟然开左间咁靓既餐厅。入到去就见到好大既西式水吧位同露天座位位置，好可惜今晚太热，如果唔系一定会坐出面好好叹吓。一坐低唔理三七廿一叫左饮品先，实在太热。见有draft beer真系好兴奋，点知一黎到...哗劲大杯！叫完野食，好快就黎左餐前面包，估唔到系正宗欧式面包再配埋香草牛油，有香草同果实既味道因为我同Fd都唔太饿，只系叫左一个主菜：台湾风味牛肉千层面。叫果阵真系唔知台湾风味会系点，谂住试一试啦。黎到热辣辣似系岩岩焗起，仲好香，但面谂唔到系咩味，直到试左啖先知，原来系台湾牛肉面既口味，好香既花椒，加埋蕃茄既甜味同微微既辣，真心好食！唔肚饿都差啲自己食左成个。甜品就叫左道焙茶芝士蛋糕同Fd一齐share，虽然唔大但都好够，本身个蛋糕唔系太甜，加埋个焙茶酱就岩岩好，个卖相冇想像中咁靓但系好食既。心满意足既一餐，同Fd 吹水食饭又一晚。