Ruby Tuesday (已結業)

之前有张优惠卷，可以有6折，所以去食。夜晚好多一家大细食饭，皆因餐厅有好多大卡位，适合聚会，家庭形式去食饭。好多客人结帐个阵，都表示系会员，因为有5折，用$1000买2年会藉(做紧推广)，不过我就冇买啦。叫左Wagyu Sirloin西冷扒(忘记$)，Border Town–BYO Fajita Combo铁板鸡肉牛肉(~$300)，‘Alpine’ Quesadila芝士墨西哥馅饼(~$148)。西冷扒3成熟，确实唔会煮得过熟，仍然带有肉汁，红红地既肉，唔韧，而且有把大刀，好吸睛。配菜有半条大栗米，涂左薄薄一层蜜糖，而青瓜加车厘茄，唔会得肉食咁dry，感觉健康d。铁板要预时间，鸡肉牛肉量多，底下放左炒洋葱同甜椒，加埋d烧汁一齐食，好好味。鸡肉望落以为好"鞋"，但竟然系滑，见到一丝丝肉咁。牛肉相比西冷扒，虽然失色，但肉味浓，而且亦都唔韧。尼个会附送墨西哥薄饼，配有蕃茄粒，车打芝士碎，生菜，酱汁有酸忌廉，自己钟意点包就点包。薄饼有4大块，尼个好抵食。因为冇睇清楚餐牌，原来铁板个个𩠌有薄饼，搞到另外叫左墨西哥馅饼。馅饼夹住大量芝士，仲有d蔬菜。同样有酸忌廉，亦有墨西哥辣酱。虽然有好多芝士，