野玩田店 (已搬遷) 新店位置

朋友好耐之前已经试过之前系太子既分店，今次约尖沙咀就想试下佢呢间主打有机同健康做主题既分店。一坐低已经俾咗餐包俾我地，都已经觉得好好食。焗芝士日本温泉蛋大啡茹($110)，见到都已经觉得吸引，切完啲蛋汁流出嚟，令我觉得好似egg benedict既健康版，个菇都煮得好好食。日本顶级带子海胆汁意大利饭($208)，意大利饭既湿度啱啱好，味道食落去有好浓烈既海胆汁味道，好好食，带子都好厚好大只。烤英国羊西冷配蜜糖芥未酱($298)，呢份羊西冷超厚一份！我地拣咗四成熟，虽然会有啲血水，但食落去个口感啱啱好，非常之软熟，羊味唔腥，又唔会太肥，非常好食！！我叫既Greenery($78)，有青瓜、梨同苹果，平时唔钟意食青瓜，但又觉得呢杯饮品味道几清新，啱啱好。朋友叫既Typhoon($78)，入面系有橙、红菜头同菠萝。好推介呢间餐厅每样嘢都好好食，朋友已经约下次聚会要嚟呢度了！