有檸手打檸檬茶

营业中

休息中

📍铜锣湾 有柠手打柠檬茶今日行开铜锣湾，虽然落雨但系都行到身水身汗，所以就谂住揾间手摇店解一解暑。行到去希慎隔离，时代广场对面，见到有间手打柠檬茶。外面有好青嘅招牌，所以一眼就见到😂。爆打柠檬绿 $38佢所谓嘅爆打，真系超级爆大力打😂见到店员好落力咁样打碎啲柠檬，所以成杯柠檬茶好香柠檬味，而且有种甘香嘅感觉，唔似平时一般柠檬茶得死甜。而且佢哋仲好贴心，除咗有平时嘅柠檬红茶选择之外，仲要有埋绿茶可以选择。海盐黄皮 $38自己本身好钟意黄皮，但系唔系成日有得买，仲要食起上嚟好麻烦，有时就咁食仲会好酸。而黄皮加埋落去柠檬茶入面，呢个配搭又酸又甜，除咗可以突显黄皮嘅香之外，仲冇左好酸嘅感觉。而且因为系手打，所以黄皮肉同黄皮嘅皮都仲喺个饮品入边，令到成杯柠檬茶嘅口感好丰富。