廣成冰室 (裝修中)

上水真系好少去，咁岩入到黎都见到系要必黎广城。黎到广城都系试呢度既经典常餐，因为最近少左人出街，星期六都唔太使等位就入到去食，系坐得比较逼啲。常餐（$42)鲜牛肉通粉系有啲似深水埗维记既汤底，牛肉好足料，通粉无过淋已经叫好合格。跟餐蛋治 ($3)出色既即制蛋治，上枱时间系通粉之后，今次叫左烘底，感觉上会比软软既包黎得好食，蛋既份量都非常足够，如果唔太饿，单食呢个都够晒。菠萝油另一个餐无叫蛋治，要左菠萝油代替，最钟意牛油系大大片而无因为个包热而溶左部分，都好好食。今日无试到红豆冰，但呢度既热奶茶系要一试，够滑又唔会苦。黎之前已经知铺头会坐得比较逼，但店内员工急赶得黎态度都算有礼，呢种算比较旧式有历史既冰室买少见少，希望可以继续屹立系上水啦。