長洲張記

营业中

休息中

是日同朋友黎长洲一日游，觉得食小食唔够饱，想食少少粉面垫肚，于是拣左呢间系落船位行两步就到既面档，原来呢间野都好有历史啦，记得好耐以前黎长洲都有食过呢间面档，果时仲俾人安排上二层，要穿过有历史既窄楼梯先上到去，不过今次就俾人安排坐地下。比起以前食真系贵左好多，双拼系三十八蚊，始终长洲都真系多左好多游客去，所以由以前细个食既街坊价变左而家既旅客价。甘同朋友一人叫左一碗双拼面，我叫左牛筋云吞河，佢牛类𩠌都会加左腩汁，因为有朋友唔食牛所以问左店员，话唔系牛既汤都系鱼汤冇牛系入边。虽然价钱贵左不少，但碗面都冇咩变，都系几好食，而且我最中意系佢既辣酱，𩠌面一流，牛筋好腍有咬口，云吞比起以前细只左冇甘多馅，令人有啲失望，汤底都系甘唔错。叫左油菜share，二十蚊一碟，只得生菜拣，汁就有3种，腩汁、蚝油或豉油，我地拣左豉油。一碗面细细碗份量唔算好多，食完垫下肚仲有quota出去扫街。