閨•家 (美基樓) (已結業)

屯门开咗闰家唔系好耐，已经成日大排长龙，今日都唔例外，不过排咗20分钟左右就入得。所有饭都配埋老火汤，而且每日唔同，今日系苹果红萝卜沙参排骨，非常足量无味精，啱晒繁忙嘅都市人。香煎莲藕饼猪扒饭呢到猪扒系招牌，几乎每一枱都会有，猪扒超大块，而且好松软，唔会有UN，腌到够晒味，就咁食都好正，莲藕饼都几厚，好有妈妈嘅感觉，配埋少少雪茶同姜蓉，个饭好快就食哂。慢煮猪软骨饭呢个不得了！猪软骨竟然炆到啲软骨软绵绵，第一次食软咗嘅软骨，好重骨胶原，个嘴黏黏哋，真系一试难忘配埋个汁，简直系白饭小偷！必须要Encore！