說一不二 (已結業)

睇到网上好多人介绍同塲的另一间面店，话d四川粉有几好食，几正宗。点知我就响𠮶度食咗个全地球最难吃的酸辣粉忍唔住俾𠮶个面店一个劣评。我好苦恼对住𠮶碗劲难食/幼薯粉硬过块地的酸辣粉，食咗几啖好想喊。好唔想嘥食物但又食唔到。当我好痛苦望住碗垃圾，坐对面的食客竟然响呢间买左碗酸辣粉食得好开心佢仲要平过我几蚊。我一直闻到对面碗酸辣粉有酸辣味，我忍唔住要立即响呢间买碗嚟食。个样至少似酸辣粉，都够辣，有酸味有麻味，再多少少麻会更好，再多少少花生同芫荽就会更更更好。薯粉好少，其实唔算好好食。但呢个安慰的酸辣粉，立即化身成美食。至少佢合格吖。简直系打救左专诚走去荃湾试酸辣粉的我！