明園粉麵茶餐廳 (已結業)

响传媒吹捧之下，呢度嘅煲仔饭登时成为热点。小弟跟太座又凑一下热闹试一试...以为要大排长龙，估唔到去到就直入店中，等都唔使等，仲有卡位坐添...先来枝樽仔奶茶。一枝玉泉忌亷咁嘅size卖成十六大洋，不可谓不贵。试一口，颇香茶味，饮得出应该系用咗立顿茶包再沟咗其他茶叶嘅。印象不错，跟湾仔金凤各有所长...一人一个煲仔饭就系铁胆la...土鱿肉饼加北菇鸡，另加腊润肠各一...先哔一口饭吃，做得不够干身，湿得滞，冇咗口感。太座𠮶兜好D，但都系觉得太湿；饭焦虽有，但唔系一刮即起，且有D㶶底；豉油亦落得太多油la...欠缺炭香就冇计嘞，因佢哋用煤气炉ge...但单论饭及豉油，系绝对唔合格...相反𩠌料就做得不俗--- 肉饼颇有肉鲜，若肉质再弹口D会更好；膶肠味够浓且甘；鸡件亦颇滑...但饭始终系个灵魂，冇得倾...老实讲，当你食多D其他舖头嘅煲仔饭，你就会发觉更好(甚至最好)嘅就响你身边，以后唔使四围揾la...响边? 西环坤记是也...