影片
更多
2020-03-16
72 浏览
今日妈妈生日，一家人就嚟到奥海城觅食。餐厅位于奥海城3期地下外面，要行番出商场先见到。餐厅设有露天同室内座位，同一般嘅泰国餐厅好唔同，灯光下更有气氛。冬荫功大虾汤 （$88/小）用鱼形嘅铁碗盛载住，虽然我哋只系叫咗细碗，但意外地都有4只大虾！味道够辣够入味，但略嫌上菜时唔够热。鲜菠萝海鲜炒饭（$98）比预期中嘅size大，所以一上菜时有啲担心会食唔晒，不过当然我太低估大家嘅食货能力。炒饭用挖空咗嘅菠萝装住，入面有鱿鱼、蚬、虾、腰果、肉松同菠萝等，最特别系加咗腊肠作配料，成件事突然好有中菜feel，但又不失泰国风味。酸辣柠檬汁蒸鲈鱼（$138）重头戏嚟到蒸鲈鱼！店员先上咗放有易燃啫喱嘅铁盆，点着左之后就上新鲜滚热辣嘅鲈鱼，同时附上一碗汤，滚到差唔多可以再倒汤，好方便！ 酸辣汁好开胃亦都唔觉有腥味，连我唔中意食鱼嘅家人都中意食！总括而言，餐厅质素唔差，环境都好舒服，适合一大班朋友一齐嚟食泰式美食！
餐厅设有露天同室内座位，同一般嘅泰国餐厅好唔同，灯光下更有气氛。
冬荫功大虾汤 （$88/小）
用鱼形嘅铁碗盛载住，虽然我哋只系叫咗细碗，但意外地都有4只大虾！味道够辣够入味，但略嫌上菜时唔够热。
鲜菠萝海鲜炒饭（$98）
比预期中嘅size大，所以一上菜时有啲担心会食唔晒，不过当然我太低估大家嘅食货能力。炒饭用挖空咗嘅菠萝装住，入面有鱿鱼、蚬、虾、腰果、肉松同菠萝等，最特别系加咗腊肠作配料，成件事突然好有中菜feel，但又不失泰国风味。
酸辣柠檬汁蒸鲈鱼（$138）
重头戏嚟到蒸鲈鱼！店员先上咗放有易燃啫喱嘅铁盆，点着左之后就上新鲜滚热辣嘅鲈鱼，同时附上一碗汤，滚到差唔多可以再倒汤，好方便！ 酸辣汁好开胃亦都唔觉有腥味，连我唔中意食鱼嘅家人都中意食！
总括而言，餐厅质素唔差，环境都好舒服，适合一大班朋友一齐嚟食泰式美食！
张贴
