Felice Cafe & Pasta (已結業)

希云街有好多细细间嘅食肆，今日嚟咗其中一间黄店Felice Cafe。门口有一幅的连侬墙，贴满五颜六色嘅memo纸，从玻璃折门就可以看到餐厅里面精致嘅装修。餐厅里面暗黄嘅灯光带来浪漫嘅气氛，周围都贴着抗争的海报，今日是「一个人的浪漫」，所以选择坐喺吧枱位置。今晚嘅set dinner有六款选择，由$86起，最后我拣咗「海胆黑松露忌廉汁扁意粉」（$145）。晚餐附送餐汤，今晚系忌廉粟米汤，质地唔系creamy𠮶种，但都有粟米和忌廉味，不错。海胆黑松露忌廉汁扁意粉估唔到海胆咁大件，好开心呀！非常新鲜，入口即溶，味道十分鲜甜，海胆味在口腔内回旋，太正了！扁意粉嘅黑松露味都十分突出，加上极creamy嘅忌廉汁，配搭一流，非常好味！真心推介！而且份量都多，食完都已经好饱。餐饮本身配冻/热柠茶/水，但可以用半价价钱转特饮，我就选择咗芝士奶盖百香果茶（原价$32 ），芝士奶盖唔会太咸，果茶果香味浓郁，两者配合恰当，令到成件事更加满足。