高木炭火鳥燒 (已結業)

好向往同朋友一边食串烧，一边饮酒。今次去到尖沙咀试吓呢一间串烧餐厅。门口大大个招牌写住高木，而且出面仲有代客泊车，揸车人士非常方便。餐纸一张有两版纸，分门别类列好晒出嚟。每一款串烧都好想试吓。我比较钟意食芦笋，所以叫咗一串芦笋同埋芦笋猪肉卷。芦笋猪肉卷原来系猪肉包住芦笋，食落去猪肉有点脆口，肉质好薄，而且好入味。芦笋爽口，味道好新鲜。烧大虾估唔到大虾都几大只，大虾外壳铺满海盐，就咁用口剥食都得。虾肉爽口弹牙，鲜甜无比。烧羊架一向钟意食羊肉嘅我，每次去亲日本/西餐厅都必叫。羊架烧得好香口，食落去味道一啲都唔骚，肉质仲好鲜嫩。香葱牛肉卷一串有两件，而且好大件，牛肉包住入面满满嘅香葱，食落去烟烟靭靭之余，仲有香葱爽口嘅口感。我哋仲order左黑松露牛肉金菇卷、盐烧豚肉、烧鳝、鸡肾、鸡翼、汁烧豆腐同埋车厘茄烟肉卷等，食完非常满足饱肚。