心夜來潮 (已結業)

潮式菜可算係非常歡迎的中菜，今次去到旺角市中心，當然要一試呢間出名潮菜的手勢。分別叫左兩個熱辣辣、分別有海鮮之王的鮑魚花膠螺片煲、以及豆豉白鱔煲，兩個都係非常滋味。首先前者用上無數新鮮海鮮，包括有大大隻的鮑魚、骨膠原滿滿的花膠，以及將海螺片切粒，粒粒入口彈牙爽口，而且整個煲用上滋味蠔汁，而且煮得入味，令每件海鮮吸收到滿滿的精華。而白鱔煲同樣出色，白鱔份量都唔少，而且件件都厚身，所以入口相當有口感，魚身有少量魚骨，魚皮嫩滑，加上入味的豆豉，一邊送飯一邊品嚐就最適合。