夏捌月 (已結業)

路德围近呢一年变化超大，开咗好多新餐厅，今晚同老妈子撑枱脚，见成日食中菜咁闷，一于四周围揾下有咩新野食试下先。地铁站力生广场附近开咗一间新既西餐厅，个名有啲熟悉，于是上网search 下发现原来系元朗一间人气餐厅第三间分店，当然立即同老妈子入去试一试啦！原来餐厅新开张第三日，环境舒服干净餐牌选择多，所有主食都可以加钱转套餐，而且仲有特定set dinner 可以选择。我地每人拣咗个set dinner share 食。套餐包埋是日餐汤-薯仔忌廉汤入口creamy顺喉，入面有薯仔粒，蚬肉等等。牛骨髓汁牛三味（纽约客牛扒/镬仔牛柳/牛脷）配意粉份量十足，牛扒五成熟，生熟程度刚刚好，肉质软嫩多汁，牛柳软淋肉味浓，牛脷入口鲜味，嫩滑可口。烤焗猪鞍扒伴酱油烧元贝配东方汁猪鞍非常厚身，但入口鲜甜软嫩，坚好食，而且配上酸味味嘅东方汁，好醒胃👍🏻烧元贝外脆内软，入口鲜甜嫩滑，而且仲系珍宝size咁大只😍😍份量十足，味道又好，最紧要员工态度非常有礼貌，值得一讃！👍🏻临走见到门口原来有自家制樽仔奶茶，咖啡，好似好吸引咁，下次一定要试下。