名人火鍋 (已結業)

收工约同事打边炉，地点唔算方便，位置亦隐闭，唔系元朗通都行唔掂。建议首次去嘅朋友问定员工详细路线。舖头不算大，干净光猛。同事帮衬过，订台时已留咗部分海鲜。海鲜真系好靓好鲜味，今次食咗钻石蚬同黄金贝。建议大家订台时问埋有咩海鲜入货，以免到时食唔到想食嘅。响铃一份有10条超大卷，又系必叫，如果惊食唔晒可以叫半份。仲叫咗豚肉，都好好食，似连锁店货色。其余云吞、乜滑乜滑、菜之类就正常水准冇咩特别。唯独个本地牛，虽然好新鲜，不过略嫌瘦得济，渌两渌就靭，可能本地牛就系咁。可能因为成班都系女士，叫嘅唔算多但最后都食到好饱。