芝味鳥

营业中

休息中

呢一日同几个同学黎呢度食饭，虽然行左都几远。但都系值得既，因为真系好平好好食。可能系放饭时间，就比较多学生食啦，坐得比较迫。而且餐具、野饮都系自已拿既。忌廉汤虽则好普通既汤，但都好足料。有几多几多既蘑菇。墨西哥香辣pizza个pizza系13吋，好大好大个。个pizza好多料，芝士又多，真系好正。最正系个pizza辣辣地，好开胃。三文鱼焗饭三文鱼无过熟既，都系咁新鲜好味。而个焗饭系炒饭底，所以好正。又炒得够干身，呢先系焗饭。除左三文鱼，仲有好多海鲜个饭到。炸鸡呢个次次都食既，炸鸡皮脆肉嫩。好juicy，而且又辣辣地，又唔会太油。百里香猪仔骨呢个就第一次食，味道都唔错架。个猪骨啖啖肉，好有香草既味，好清新好好食。虽然好多好多野都要自已黎，但食物质素咁好。又有乜问题呀？实有下次既，四个人食咁多野一人都系四十几蚊。