碗屋 (已結業)

趁晚市放宽立即同朋友约食晚饭，本身同朋友约咗食另一间，但朋友想试新野，所以拣中碗屋。加上大家都仲有消费券，系会想食得豪啲！预先订咗位，去到因为太多人，而且埋梗单，结果都唔能够准时交台，我哋都等咗阵。埋到台即刻点野食，其他点餐职员，啲服务都系一流，好礼貌，而且见到你食完即收碟！加上食物上得都好快，而且系即整热辣辣，尤其铁板煮嘅食物，真系好食！推介一下个鸭肝，本人唔太好肝类但呢个系入口即溶化，真心好食！另外羊架又系无骚味，好正！其他铁板牛类都系好好味，而且师傅排得好靓仔，见到都想食多几件！最后甜品食雪糕，好滑，食咗几球至于刺身有少少失望，普通料，所以大家唔好浪费个胃去食刺身啦！要食就拣热食啦！