北海道爐端燒 (已結業)

约左几个朋友收工之后去tst食嘢饮嘢真系拣呢间唔错，食物唔错环境啱晒饮下嘢吹水，下次都会再黎～鱼籽粒粒都好饱满，三文鱼都好新鲜，加上醋饭，好夹。 烧鲭鱼，有鱼油香，烧得刚刚好，依个好推介。连我平时唔多食鱼既人都觉得唔错呀～烧芝士年糕，芝士吾会太咸，年糕烧得软糯，好味。 当然吾少得烧鱿鱼同鸡软骨，送酒一流。 明太子玉子烧，必点！明太子咸咸辣辣，食到停吾到口。炸蚝，即叫即炸，炸得好香脆，蚝够肥大，正！ 神奇炒面好得意于是一试，原来系咖喱炒拉面，但味道又出奇地夹，而且拉面好有咬口。