影片
更多
2022-07-07
688 浏览
Marathon ChickenSpice Level 5蕃茄汤底$118+10%第一次试拣normal range辣度，食唔到谭仔3小以上唔好食更辣嘅level(谭仔系战斗力标准，btw隔离𠮶位客食level 30好劲)。拣左classic嘅蕃茄汤底同鸡肉呢个组合，感觉上虾汤底会夹海鲜多d？鸡肉唔系煮到淋晒𠮶种，所以肉质比较硬，唔可以用匙羹就分开，但又唔系煎香/炭烧𠮶种香口，夹响中间唔上唔落咁，呢方面有待加强。但既然卖相望落比较似香口嘅话，煎香番/用炭火烧脆个皮，相信会好食好多。蔬菜有红椒、西兰花、莲藕、茄子、南瓜同薯仔，整体份量唔多，味道算系不过不失。溏心蛋仲保持到蛋黄黏稠，冇腌制过唔同拉面嘅蛋，比较食得出原味。但食咖哩，个汁先系主角，肉眼可以唔少煮到好甜嘅洋葱碎、现蕃茄汤底相当够味，甜味辣味平衡，相当唔错。本身睇落以为份量好少，但食完都好饱肚。不过餐盘偏扁平阔身，食到一半比较难毕起汤汁(以传统食法嘅话，将饭放响匙羹再浸落汤咖哩)，尾段食起上黎比较狼狈(但见有其他食客系用比较深嘅碗，有d系呢种碟，唔知系咪用拣边只肉有关？)。但总之算系响香港都可以食到水准合格嘅汤咖哩，以呢个价钱同地
Spice Level 5
蕃茄汤底
$118+10%
第一次试拣normal range辣度，食唔到谭仔3小以上唔好食更辣嘅level(谭仔系战斗力标准，btw隔离𠮶位客食level 30好劲)。
拣左classic嘅蕃茄汤底同鸡肉呢个组合，感觉上虾汤底会夹海鲜多d？
鸡肉唔系煮到淋晒𠮶种，所以肉质比较硬，唔可以用匙羹就分开，但又唔系煎香/炭烧𠮶种香口，夹响中间唔上唔落咁，呢方面有待加强。但既然卖相望落比较似香口嘅话，煎香番/用炭火烧脆个皮，相信会好食好多。
蔬菜有红椒、西兰花、莲藕、茄子、南瓜同薯仔，整体份量唔多，味道算系不过不失。
溏心蛋仲保持到蛋黄黏稠，冇腌制过唔同拉面嘅蛋，比较食得出原味。
但食咖哩，个汁先系主角，肉眼可以唔少煮到好甜嘅洋葱碎、现蕃茄汤底相当够味，甜味辣味平衡，相当唔错。
本身睇落以为份量好少，但食完都好饱肚。
不过餐盘偏扁平阔身，食到一半比较难毕起汤汁(以传统食法嘅话，将饭放响匙羹再浸落汤咖哩)，尾段食起上黎比较狼狈(但见有其他食客系用比较深嘅碗，有d系呢种碟，唔知系咪用拣边只肉有关？)。
但总之算系响香港都可以食到水准合格嘅汤咖哩，以呢个价钱同地段都叫合理(好挂住北海道海咖哩🫠用炭火烧脆左表皮嘅知床鸡浸落汤咖哩，皮仲脆𠮶时配埋咖哩，肉汁爆发超正😮💨)
张贴
