影片
更多
2025-02-12
0 浏览
上次食过pizzeria italia一直对佢既pizza同risotto念念不忘，上open rice发现佢都几多分店，今日就黎到坚尼地城呢间分店，又再试吓佢既水准keep唔keep到。呢间分店比起摩罗街嘅分店更为阔落，坐得更加舒服。😆Mix Antipasti用五格拼盘碟放五款小食，单系视觉效果已经非常丰富。分别有自制鸡肉炸丸子、炸新鲜鱿鱼、烤面包配自制番茄莎莎酱、朝鲜蓟、橄榄和意大利咸鱼配多士、烟三文鱼配酸豆、柠檬和特级橄榄油。今次我好欣赏佢嘅烤面包配自制番茄莎莎酱，味道酸甜有层次，作为开胃菜一流。Parma Gorgonzola e Cipolle（巴马臣火腿、哥根苏拿芝士、洋葱）呢个pizza真系非常咸香惹味，饼底口感软腍得嚟带略烟韧，批边位置就焗得香脆。重点系佢Parma Ham嘅份量一啲都唔吝啬，推荐！Risotto ai Funghi 白松露香油牛肝菌意大利烩饭浓郁惹味又creamy嘅白松露香油白汁包住每一粒米饭，加埋牛肝菌，每一啖都口感丰富有层次。TiramisuMascarpone cheese，咖啡同酒嘅味道平衡得好好，口感绵密，甜得嚟唔会太腻。不论系正餐定系甜品
上次食过pizzeria italia一直对佢既pizza同risotto念念不忘，上open rice发现佢都几多分店，今日就黎到坚尼地城呢间分店，又再试吓佢既水准keep唔keep到。呢间分店比起摩罗街嘅分店更为阔落，坐得更加舒服。😆
Mix Antipasti
用五格拼盘碟放五款小食，单系视觉效果已经非常丰富。分别有自制鸡肉炸丸子、炸新鲜鱿鱼、烤面包配自制番茄莎莎酱、朝鲜蓟、橄榄和意大利咸鱼配多士、烟三文鱼配酸豆、柠檬和特级橄榄油。今次我好欣赏佢嘅烤面包配自制番茄莎莎酱，味道酸甜有层次，作为开胃菜一流。
Parma Gorgonzola e Cipolle
（巴马臣火腿、哥根苏拿芝士、洋葱）
呢个pizza真系非常咸香惹味，饼底口感软腍得嚟带略烟韧，批边位置就焗得香脆。重点系佢Parma Ham嘅份量一啲都唔吝啬，推荐！
Risotto ai Funghi 白松露香油牛肝菌意大利烩饭
浓郁惹味又creamy嘅白松露香油白汁包住每一粒米饭，加埋牛肝菌，每一啖都口感丰富有层次。
Tiramisu
Mascarpone cheese，咖啡同酒嘅味道平衡得好好，口感绵密，甜得嚟唔会太腻。不论系正餐定系甜品都一样系咁有水准。😆
张贴
