影片
更多
2016-05-21
459 浏览
今日落住大雨，7点几8点去到都见到有人等位，舖头唔算太大，但由个布置睇得出主人都想客人坐得舒服，舖头坐满哂，4个人去都安排到张卡位比我扡坐，打开餐牌见到上面都有好多选择，石头饭，拉面，冷面都有好多款，我地叫左个四人套餐，再散叫左其他野，四人套餐有五样野，三款小菜，再有四杯餐饮，$308其实唔贵，而且佢上菜速度好快。(套餐)石头传统杂锦鸡肉饭其实可以拣鸡/猪/牛，猪就系辣嘅，因为之后都会叫牛，所以就拣左鸡，个饭有好多菜，红萝卜丝，白萝卜丝，青瓜，芽菜，仲有我谂系波菜同埋鸡肉，韩国辣酱就一碟咁你，自己钟意几多就落几多，捞埋一齐食，同系韩国食过嘅拌饭味道一样，同埋个煲好保暖，d饭无咁快冻。(套餐)韩式煎海鲜葱饼个饼好薄，好易咬开，海鲜好似唔系好食到，但系块饼真系煎得好香口，金黄色咁好吸引。(套餐)人参鸡汤个汤参味唔重所以唔会苦，系真系有条人参系入面嘅，汤好够味，只鸡细细但都有好多肉，煮到已经好淋，用筷子好轻易就可以撕开d肉，个汤配埋大大碗白饭，索左汤汁嘅饭好香好食。(套餐)铁板烧牛仔骨突然一堆韩式食物出现左个牛仔骨好似好奇怪咁，但呢到就系惊喜位，烧得真系几好食，只汁好香，连骨都可以咬好耐，因
(套餐)石头传统杂锦鸡肉饭其实可以拣鸡/猪/牛，猪就系辣嘅，因为之后都会叫牛，所以就拣左鸡，个饭有好多菜，红萝卜丝，白萝卜丝，青瓜，芽菜，仲有我谂系波菜同埋鸡肉，韩国辣酱就一碟咁你，自己钟意几多就落几多，捞埋一齐食，同系韩国食过嘅拌饭味道一样，同埋个煲好保暖，d饭无咁快冻。
(套餐)韩式煎海鲜葱饼个饼好薄，好易咬开，海鲜好似唔系好食到，但系块饼真系煎得好香口，金黄色咁好吸引。
(套餐)人参鸡汤个汤参味唔重所以唔会苦，系真系有条人参系入面嘅，汤好够味，只鸡细细但都有好多肉，煮到已经好淋，用筷子好轻易就可以撕开d肉，个汤配埋大大碗白饭，索左汤汁嘅饭好香好食。
(套餐)铁板烧牛仔骨突然一堆韩式食物出现左个牛仔骨好似好奇怪咁，但呢到就系惊喜位，烧得真系几好食，只汁好香，连骨都可以咬好耐，因为入哂味，烧得岩岩好，锁住左d肉汁，完全唔老唔韧。
(套餐)泡菜煎饺子唔系好食到泡菜，普通饺子咁，但煎得又系好靓好香，都好食。
(套餐)前菜拣左泡菜，海带同菠菜，前菜好普通，到到食都差唔多，提下佢个泡菜，呢到系迎合左香港人口味，会无咁辣，唔系好食得辣嘅人都可以食到。
韩式寿司料好足，尽量做到材料同韩国嘅紫菜包饭一样，饭个一层唔会太厚，佢有比埋豉油你，当然我觉得唔加豉油会更加好，因为料好足嘅关系我觉得好好食。
炆牛肋骨煲又系会送一大碗白饭系列，牛肋骨炆到真系好淋，一咬落下d汁出哂泥个下好正，萝卜同冬菇都好入味，白饭捞埋汤汁超好食。
朱古力沙冰跟餐加$20，d沙冰keep到好耐，唔会咬到碎冰，好甜好朱古力味。
张贴
