影片
更多
2013-08-09
2084 浏览
未来老爷奶奶同阿爸阿妈食"家长饭"，点知4老都话唔食中餐，最后选择了呢间韩国餐厅，见评分都算高，应该都信得过。虽则我地weekday，为稳阵起见，早两日打去订定位。好彩有订位，我地6:50pm去到竟然见到要等位 ,餐厅大部分嘅座位都系梳化卡位，我地两家人一人坐一边都几搞笑。我地叫咗有腌同冇腌嘅牛肋骨、五花腩、虾、带子、仲有蚊牛肋骨、泡菜煎饼、雪浓汤。d主食未上之前，侍应送黎8款唔同嘅前菜，从来都未试过响香港食韩国嘢送咁多前菜，前菜有最基本嘅泡菜、萝卜、著仔、芽菜、蒟蒻、etc...最特别系有一款迷你牛肉饼就令我地好惊喜，肉味好重带少少甜味，我地encore咗3次，难得个侍应见我地嗌完又嗌都满面笑容，之前食其他韩菜叫侍应encore前菜一系黑面一系话要收钱，呢度真系要赞 食完前菜，D野食就黎喇，我个人觉得冇腌嘅牛肋骨好食d,烧到6成熟点少少海盐真系好好食，食得出d牛系优质货，肉味油份均匀刚刚好。有腌嘅牛肋骨带些少甜味，未来奶奶好钟意，仲一边食一边赞 。D虾、带子同五花腩，分量不算多，一人一件，不过都够喇，D虾都几大只。食完呢轮烧烤，其他食物都到，蚊牛肋骨D汁好香好浓，我地叫左2个
好彩有订位，我地6:50pm去到竟然见到要等位 ,餐厅大部分嘅座位都系梳化卡位，我地两家人一人坐一边都几搞笑。
我地叫咗有腌同冇腌嘅牛肋骨、五花腩、虾、带子、仲有蚊牛肋骨、泡菜煎饼、雪浓汤。d主食未上之前，侍应送黎8款唔同嘅前菜，从来都未试过响香港食韩国嘢送咁多前菜，前菜有最基本嘅泡菜、萝卜、著仔、芽菜、蒟蒻、etc...最特别系有一款迷你牛肉饼就令我地好惊喜，肉味好重带少少甜味，我地encore咗3次，难得个侍应见我地嗌完又嗌都满面笑容，之前食其他韩菜叫侍应encore前菜一系黑面一系话要收钱，呢度真系要赞
食完前菜，D野食就黎喇，我个人觉得冇腌嘅牛肋骨好食d,烧到6成熟点少少海盐真系好好食，食得出d牛系优质货，肉味油份均匀刚刚好。
有腌嘅牛肋骨带些少甜味，未来奶奶好钟意，仲一边食一边赞 。
D虾、带子同五花腩，分量不算多，一人一件，不过都够喇，D虾都几大只。
食完呢轮烧烤，其他食物都到，蚊牛肋骨D汁好香好浓，我地叫左2个白饭黎捞D汁 ，反而个泡菜煎饼冇咩特别，最后个雪浓汤，一人分到一细碗，个汤既色好似鱼汤白白地，问一问个侍应，佢话系用骨熬出黎，连埋D面一齐食，好正!
食完晒野，侍应送左每人一杯淡红色的饮品黎，有D酸，应该系用黎消滞.....
总括成晚叫嘅野，水准都好好。除左野食，呢度既服务的确比我所食过既韩菜好好多，起码我想要多一ROUND前菜唔会黑面，我地好奇D野食有咩煮佢地乐意解答，又会主动黎换下碟收下野同加茶。呢D野好似作为服务行业系好基本，不过又真系有几多间可以做到....至少今次呢间韩菜俾左个好好印象我，特别系今次系食"家长饭"。
张贴