影片
更多
2011-10-01
37 浏览
一个人食点心，好似食唔到几多款式，但系见呢间点心舖，装修几精致，不妨一试。豪隍点心位于尖沙咀厚福街中段，招牌光猛，离远都会被它吸引。门口则放了个易拉架，墙上亦贴有几张海报，将d招牌点心或呢期推介贴出来，好大张相再加几句精简描述，颇有噱头。一入去，感觉唔错，全店以白色为主，再加上时下至兴嘅灰镜，感觉时尚，有别于一般点心舖；天花挂上简单嘅水晶灯，枱用上白色带纹云石面配白色木枱脚，櫈则是紫灰色花绒布，很有时代感；墙上仲挂有不少老香港嘅黑白照，黑框裱白，与整间舖嘅色调匹配，虽然简单，但亦见心思。舖面地下亦见干净企理，沿途行入洗手间，需途经厨房，但都非常干净，没有丝毫水渍，确实值得赞赏。见到有客人饮冰镇奶茶，我又要一杯；size唔算大，系一般酒家用开嘅水杯size，因为用来盛冰嘅碗唔大，亦唔深,，所以冰粒唔多，一啜入口，第一个感觉系唔够冻，如果可以换𠮶大d嘅碗来冰著杯奶茶，相信会冻d，这样才算得上冰镇；但呢杯奶茶嘅茶味香浓，入喉后亦有余香，绝非”行货”，难得，而且好似用炼奶，非淡奶，亦够甜滑，系一杯唔错嘅奶茶。先来脆皮墨西哥义烧饱，上枱时，觉得唔够热，只是暖暖的，有d失望；但咬咗一口，墨西哥皮松
豪隍点心位于尖沙咀厚福街中段，招牌光猛，离远都会被它吸引。门口则放了个易拉架，墙上亦贴有几张海报，将d招牌点心或呢期推介贴出来，好大张相再加几句精简描述，颇有噱头。
一入去，感觉唔错，全店以白色为主，再加上时下至兴嘅灰镜，感觉时尚，有别于一般点心舖；天花挂上简单嘅水晶灯，枱用上白色带纹云石面配白色木枱脚，櫈则是紫灰色花绒布，很有时代感；墙上仲挂有不少老香港嘅黑白照，黑框裱白，与整间舖嘅色调匹配，虽然简单，但亦见心思。舖面地下亦见干净企理，沿途行入洗手间，需途经厨房，但都非常干净，没有丝毫水渍，确实值得赞赏。
见到有客人饮冰镇奶茶，我又要一杯；size唔算大，系一般酒家用开嘅水杯size，因为用来盛冰嘅碗唔大，亦唔深,，所以冰粒唔多，一啜入口，第一个感觉系唔够冻，如果可以换𠮶大d嘅碗来冰著杯奶茶，相信会冻d，这样才算得上冰镇；但呢杯奶茶嘅茶味香浓，入喉后亦有余香，绝非”行货”，难得，而且好似用炼奶，非淡奶，亦够甜滑，系一杯唔错嘅奶茶。
先来脆皮墨西哥义烧饱，上枱时，觉得唔够热，只是暖暖的，有d失望；但咬咗一口，墨西哥皮松脆，唔太甜，饱身则软棉棉，唔错；至于义烧馅，颇丰富，饀料都切碎，大细适中，太大又难食，太细又冇咬感，ok，酱汁味浓但不腻，而且唔会太多，恰恰好。
跟著，就来了虾饺皇，一笼两只，都几大粒，但系并非大大只嘅玻璃虾球，系细虾再加d猪肉，虾身爽口，新鲜，猪肉份量偏少，但反而觉得唔错，食落唔会太腻，亦可以食到虾嘅味道，而且皮唔厚，的确系唔错。
轮到马拉糕出场啦，其实除咗𠮶墨西哥义烧饱之外，其他点心都系热腾腾的，马拉糕亦唔例外，一上枱，已经闻到一阵香甜嘅味道，忍不住，大大啖咬落去，感觉算松软，但与传统大笼蒸嘅比较，松软程度始终有所不及；时下嘅点心舖，大多都系用细笼，一笼一笼蒸，至今都未曾食到好好食嘅马拉糕，如果有发现，希望大家指点一吓。
最后，系义烧肠，虽然同佐敦堂记比，仲有一段距离，但系呢碟肠粉，的确出色；首先皮簿，除咗堂记外，我印象中，都冇几多间酒楼食肆，可以做到咁簿嘅皮；第二，义烧馅料唔错，够味，因为肠粉本身味淡，如果馅料味唔够香、唔够浓，成碟肠粉都会淡而冇味，非常失色；第三，师傅亦有将馅料切碎做馅，但我个人觉得，如将馅料再切碎一些，效果会更好；整体上，呢碟肠粉，系一碟有水准之作，但唯一美中不足，就系豉油嘅味道，偏咸，唔够甜味，若果可以系豉油方面，再钻研一吓，相信豪隍嘅肠粉应该可以更好卖。
虽然只系短短嘅半个钟，但系完全感觉到老板嘅认真，装修不错，有别于一般点心舖；服务水平，亦不错，几个服务员，做事有礼，亦可算有效率；至于点心嘅质素都属于水准之上，虽然还有些改进空间。埋单$79，以此水准来说，唔算贵。
张贴
