金鶴拉麵 (利民大廈)

营业中

休息中

一直都未试金鹤拉面，今日终于约埋老公出嚟撑枱脚。嚟到梗系要食佢最出名嘅招牌菜式，极浓龙虾汤拉面，汤底果然浓郁。其实加$60仲可以配有一只龙虾尾，见到隔篱枱啖啖肉食得津津有味，下次都要再加。北海道蟹汤拉面汤底呈现奶白色，感觉特别暖笠笠。一大份嘅蟹膏蟹肉放在拉面之上，真系非常香口。两款拉面都配有半只流心蛋。仲有慢煮嘅叉烧，薄切嘅叉烧令口感更嫩滑。当然就唔少得紫菜，浸过汤底嘅紫菜，真系好似打边炉嘅响铃咁好味。另外我哋仲拣咗盐烧五花腩，呢个价钱有两串都唔错。而且每块都烧得甘香，近皮嘅位置仲烧得脆卜卜，食起上嚟唔觉油腻。