梔子

营业中

休息中

上次介绍过呢间早晚不一样面貌嘅咖啡店之后，发现我原来冇介绍早上嘅嘢食，补返一篇食评先！朋友同亲我食饭都知道，我基本上系一个黑松露迷同薯条控，如果餐牌上面有呢两样食物，我都一定会点。今次仲比我见到有黑松露薯条，梗系走唔甩我掌心啦！薯条即叫即炸，热辣辣，真系几难唔好食。点埋超级清香嘅黑松露沙律酱，滋味双倍提升啊！之后叫咗一份墨汁海鲜意大利面，食完之后个嘴会乌卒卒，但系味道相当唔错。海鲜都几有咬口，面条烹调得烟烟银银，有一定嘅硬度，正合我口味。最后饮品黎左，咖啡都几好饮，咖啡嘅味道相当香醇，入口顺滑，又有淡淡的回甘香。之后一定会再返嚟试吓bagel同其他饮品！