新釗記 (已結業)

上次食咗滑蛋叉烧饭，俾同事话我竟然无食佢个焗猪，今次再嚟食一于嗌返个焗猪扒饭。个饭跟一杯热饮，汤就唔要喇，避开高盐分摄取。卖相同一般快餐店差唔多，汁面有少少焦，真系焗炉岩岩攞出嚟咁热。饭系蛋炒饭底，软硬适中而干爽，加埋少少酸既茄汁容易入口。猪扒唔算厚，肉质软身易咬，味道可以。猪扒份量唔算多，岩我唔想食太饱既人，炒饭就岩岩好食得哂。整体黎讲，焗饭之中算唔会太油，食完唔会成个底系油，味道几好，份量唔会太饱，42蚊真系几抵，岩哂打工仔黎，同事无介绍错！