影片
更多
2024-07-21
319 浏览
一入门口就比个白色主调既喷水池惊艳到，加上法式的装潢，感觉就好似置身于法国的花园一样！餐厅布置啱哂同朋友庆生聚会，打卡一流！依家仲做紧1+1优惠，叫支白酒可以优惠价点半打生蚝$98，可惜当日唔饮得酒无要到！😅手工牛油香煎蟹饼 $138虽然蟹饼既份量偏少，但估唔到前菜既摆盘都咁有心思，加左沙律菜同花、芒果同蕃茄做成的酱，食落酸酸甜甜，非常开胃。蟹饼煎得啱啱好，外皮香口，蟹肉亦唔会松散！香蒜白酒鲜大蚬扁意粉 $168意粉软硬度适中，大蚬鲜甜无沙，可惜香蒜加上红椒有啲辣，唔食得辣既朋友要留意！埋单时店员话原来系可以走辣/少辣😂柠檬盐烧原条海鲈鱼 $298成餐饭最欣赏就系依条海鲈鱼，平时食烧/焗鱼都好怕煮得太熟同嚡口，今次盐烧鲈鱼竟然系外香内滑，鱼皮烧得香脆，鱼肉又刚刚好仲系嫩滑！ 再加上大量柠檬片，清新又唔腥。但系鱼肉本身就无咩味，加返啲盐或者淋上牛油汁更好！整体而言，餐厅环境布置有特色，食物水准中上，店员服务有礼，但可以主动帮手加水会更好。
一入门口就比个白色主调既喷水池惊艳到，加上法式的装潢，感觉就好似置身于法国的花园一样！
餐厅布置啱哂同朋友庆生聚会，打卡一流！
依家仲做紧1+1优惠，叫支白酒可以优惠价点半打生蚝$98，可惜当日唔饮得酒无要到！😅
手工牛油香煎蟹饼 $138
虽然蟹饼既份量偏少，但估唔到前菜既摆盘都咁有心思，加左沙律菜同花、芒果同蕃茄做成的酱，食落酸酸甜甜，非常开胃。蟹饼煎得啱啱好，外皮香口，蟹肉亦唔会松散！
香蒜白酒鲜大蚬扁意粉 $168
意粉软硬度适中，大蚬鲜甜无沙，可惜香蒜加上红椒有啲辣，唔食得辣既朋友要留意！
埋单时店员话原来系可以走辣/少辣😂
柠檬盐烧原条海鲈鱼 $298
成餐饭最欣赏就系依条海鲈鱼，平时食烧/焗鱼都好怕煮得太熟同嚡口，今次盐烧鲈鱼竟然系外香内滑，鱼皮烧得香脆，鱼肉又刚刚好仲系嫩滑！
再加上大量柠檬片，清新又唔腥。但系鱼肉本身就无咩味，加返啲盐或者淋上牛油汁更好！
整体而言，餐厅环境布置有特色，食物水准中上，店员服务有礼，但可以主动帮手加水会更好。
张贴
