Simplylife Bakery Cafe (已結業)

如果系九龙湾想食啲好少少既西餐的话，我谂除左Mr Steak外，就好大机会会㨂simply life。面包就不过不失啦，都有少少微暖之余，都几软熟。《烤鸡 烧南瓜 大磨茹 香草烧薯 五草汁》- 呢一个烤鸡算系处理得唔错，本身件鸡件本身都有咁上下厚，所以肉汁得以留著。而且肉都好够味，烧得都好香，所以真系无得输。烧南瓜，烧薯仔唔差，虽然做唔到外面脆，但系单单系味道就好好味。另一道，《车打芝士烟肉牛肉汉堡》。就咁睇想都知道个烟肉都好脆口。芝士都好香口，牛肉都好多汁，基本上应该要做既都做得好好。不过我就有啲觉得味道太过复杂，芝士 烟肉 都好浓味下 再加上牛肉就真系有啲复杂啦。 另外薯条就唔错啦。不过当日waiter就有少少失误，好彩佢地都好快解决左，所以服务上都可以。