酷廚 (已結業)

朋友之间倾开饮饮食食就提起呢间新概念西餐厅系集 KOL场 x 轻食西餐厅于一身~ 两样都岩我心意~ 所以决定要先踩踩线，拎下d资料先。 呢度都唔算难揾，D2place2应该系一个新场，全部商铺装潢都好新净~系一好舒服既商场~而Kool就响一楼，大大间，一上扶手电梯就到。门面望落已经好大，仲有d位响铺出面，好宽敞，见到仲有拍摄同录音棚比KOL用成个场好吸引。人唔多~坐低慢慢拣野食~其实唔驶点拣，因为朋友一早讲左，第一次黎到一系定要试汉堡同意粉！今日一个人黎睇睇，无人share 唯有净系叫住必试既牛油果汉堡先啦！朋友系无介绍错，牛油果汉堡系真系必试之选，抵依食又好味道！牛肉汉堡唔太油又仲有肉汁，赞！加上其实牛油果酱同蕃茄他他都好岩我口味，劲fresh~ 不过食完个汉堡都食唔晒d薯条，都几足份量！下次要一班人黎试多d野食先得！