唐揚日式炸物小食店 (已結業)

唔知点解心血来潮，好想番去呢度食炸物。因为上次个鸡翼实在太好食，不过又真系几贵。但点都好，今次试下另一招牌菜---得意鸡。等左一阵，得意鸡终于炸好啦。仲可以要辣粉，我反而觉得加辣粉会再加惹味。会更加好食，而酱汁方面。就拣左蛋黄酱。因为呢只酱同炸鸡最夹，而呢个决定真系无错。食落只酱，有小小似丘比牌既BB沙律酱。讲番正题，炸鸡有九件咁多。件件都咁多汁，而且炸粉唔太厚。真系绝不欺场架。整体上，得意鸡真系够哂得意。喺味道同质量方面，都无乜可挑剔既地方。总结来说，呢度既炸鸡真系几有水准。喺价钱同份量都好有竞争力。希望可以喺新界开番几间，等我唔使刻意过黎旺角朝圣。