蠔王 (已結業)

日期：8月18日人数：3人又到左周末，全家人又去大埔揾嘢食。今次揾在一间系八号花园的西餐厅食lunch。呢间餐厅顾名思义系主打食蚝嘅，但其实西餐set lunch都好有水准。一家三口分别叫左牛扒、猪扒同羊架。首先系餐汤同埋面包。汤系蘑菇汤，非常热，而且好好饮。黑糖面包好热好软熟，味道媲美某个美国餐厅品牌。牛扒我哋叫咗七成熟，烧得好有味道，配合少少海盐，非常好食。猪扒同羊架本身都系好货色，煎起身都色香味俱全。午餐期间其实仲可以以$60加配2只是日生蚝，但系我哋太饱所以冇叫到。餐厅嘅环境优雅，坐得舒服，人流唔多，所以好宁静。服务好贴心，老板会仔细讲解每一道主菜，又会主动介绍餐厅。呢间餐厅嘅生意明显唔及旁边嘅快餐茶餐厅，系因为餐厅唔系求求其其有d肉有d菜蛋白质淀粉质捞捞埋埋打个白汁茄汁黑椒汁甘撑得你懵口懵面米lui返去返工返学返厂返写字楼。正所谓一分钱一分货，餐厅嘅标价系合理嘅。