影片
更多
2023-05-06
521 浏览
是日系家兄生日🎂，之前系机缘巧合嘅情况下见到呢间餐厅嘅装修同餐牌，加上两老都钟意周围揾新餐厅去试食，于是约埋屋企人举家去试呢间🀄️菜庆生。当睇到餐牌嘅时候无太大感觉，觉得都系传统中菜，不过坐低之后由餐前小食🥕🥒到每一个𩠌传上嚟都将我嘅期望值逐啲逐啲提高，最后亦系大家捧住个肚同大赞嘅气氛底下食完呢餐饭😋翡翠兰花炒班球🐟鱼呢样食材由细到大都系我屋企饭桌上面嘅常客，但碍于炒班球要走油或者火喉控制得好好先会唔烂，所以一般都系出街先会食。同埋屋企有人怕鱼骨🦴，咁呢个𩠌系餐馆食就满足哂所有人嘅愿望。本以为会同其他连锁餐厅差唔多味道，但食落一啲都唔油腻，作为食鱼达人嘅家父家母都觉赞碟鱼新鲜肉质弹牙夹起都唔会散。而好怕草青味嘅我都特登试埋彩椒🫑同西兰花🥦，全部过关！炸子鸡🍗呢个菜又系啲人多先叫到嘅野，皮脆肉唔柴﹑选鸡嚟讲餐厅都拣左只皮下脂肪好少嘅鸡令到食完一旧接一旧都唔系好有罪恶感。你唔好以为侧边啲虾片系装饰(我都以为系好似其他餐厅咁摆到上枱已经淋哂)，我地呢个𩠌由头到尾食左差唔多一个钟，去到最尾都仲脆。如果怕味道单一，佢仲有得点柠檬汁🍋比我地换下口味，刺一刺激味蕾又食多两件。特色脆皮和牛牛腩🥩和牛听落
翡翠兰花炒班球🐟
鱼呢样食材由细到大都系我屋企饭桌上面嘅常客，但碍于炒班球要走油或者火喉控制得好好先会唔烂，所以一般都系出街先会食。同埋屋企有人怕鱼骨🦴，咁呢个𩠌系餐馆食就满足哂所有人嘅愿望。本以为会同其他连锁餐厅差唔多味道，但食落一啲都唔油腻，作为食鱼达人嘅家父家母都觉赞碟鱼新鲜肉质弹牙夹起都唔会散。而好怕草青味嘅我都特登试埋彩椒🫑同西兰花🥦，全部过关！
炸子鸡🍗
呢个菜又系啲人多先叫到嘅野，皮脆肉唔柴﹑选鸡嚟讲餐厅都拣左只皮下脂肪好少嘅鸡令到食完一旧接一旧都唔系好有罪恶感。你唔好以为侧边啲虾片系装饰(我都以为系好似其他餐厅咁摆到上枱已经淋哂)，我地呢个𩠌由头到尾食左差唔多一个钟，去到最尾都仲脆。如果怕味道单一，佢仲有得点柠檬汁🍋比我地换下口味，刺一刺激味蕾又食多两件。
特色脆皮和牛牛腩🥩
和牛听落可能会有人怕怕，惊油脂好重同埋会食到滞，我之前都试过有不良嘅体验。但作为一个心口挂个勇字嘅食评新手，听到呢个𩠌系餐厅嘅特色推介，一于试试佢。个摆盘简洁地摆左切好左嘅炸皮牛腩件，配一碟比较杰身嘅咖哩汁。先食一啖原味，薄薄嘅脆皮夹住软身嘅牛腩口感已经不得了，无想像中果种和牛肥腻感之余，唔点汁本身都够入味。再试点埋个汁，系带甜同带香料味嘅咖哩。
梅菜蒸菜心🥬
呢个𩠌好家常，但一样简单嘅野要做到出色就系对食材同厨师嘅要求。蒸菜心嘅清淡配腌制过嘅梅菜系味觉上嘅冲击。如果有多个白饭送啲特制梅菜，就perfect啦！
九龙炒饭🐉
食食下见唔系好够喉就问下伙记有冇咩主食推介，佢二话不说就打开menu介绍呢个signature九龙炒饭，我见mark住本店推介就点左嚟食。个饭准备上嘅时候就系食紧个蒸菜心，忽然有阵好香嘅虾味传过嚟。一上枱就见到呢碟咁足料嘅炒饭，有虾、虾干、鸭丝，个饭香口得嚟够干身👍🏻
虫草花金汤自家豆腐🎃
呢个𩠌我特登最尾先介绍，奖励啲睇到最后嘅支持者😉虫草花、豆腐、南瓜汤呢个组合神奇地夹，豆腐轻轻煎过再用一层薄紫菜包住，再烩个南瓜汤同虫草花落去，虫草花爽口得嚟个汤有甜甜地又带啲咸，阵味留系口腔好耐都唔散。
🎞️怀旧菲林卷拼椰汁软糕🥥
呢个甜品有返咁上下年代感，整得弹牙挺身唔痴咀亦唔会一夹就散，食到最后用个甜味中和返之前啲𩠌嘅咸味，为餐饭埋左个happy ending
翡翠兰花炒班球
25 浏览
0 赞好
0 留言
炸子鸡
19 浏览
0 赞好
0 留言
特色脆皮和牛牛腩
19 浏览
0 赞好
0 留言
九龙炒饭
39 浏览
0 赞好
0 留言
梅菜蒸菜心
21 浏览
0 赞好
0 留言
虫草花金汤自家豆腐
29 浏览
0 赞好
0 留言
怀旧菲林卷拼椰汁软糕
36 浏览
0 赞好
0 留言
张贴
