影片
更多
2018-03-30
105 浏览
话说最近女朋友Daddy生日所以就喺佢屋企附近睇吓有咩好食，咁见到依间泰国餐厅开咗咁耐都未试过而最近又好少食东南亚菜，所以一于就就拣呢间试吓啦！咁一去到因为book咗位啦咁我哋就安排左可以坐咗喺里面张卡位度。之后坐低就睇吓有咩食叫啦，首先呢前菜方面呢我哋就点咗香辣肉碎生菜包同埋有个酸辣无骨凤爪。咁首先讲咗个生菜包先啦，佢啲肉碎煮得入味，而且系有好香酸辣味，十分之惹味，再配埋啲新鲜生菜，开胃非常。之后因为女朋友同埋佢妈咪都钟意食凤爪，所以就叫咗酸辣无骨凤爪，食落去酸酸味味几特别，而且质地有几弹牙，唔会太淋太硬，钟意食辣又或者食凤爪嘅朋友都值得推介！咁食泰国嘢又点少得马拉盏炒通菜呢。果然依个菜都冇令到我哋失望，马拉盏好香而且通菜都又唔会煮得好淋，有啲咬口，食落好惹味，送饭一流。之后我地叫咗一个泰式串烧拼盘，分别有两串猪同埋两串鸡，配沙嗲酱。咁首先猪肉同鸡肉都烧得好香口，而且肉质唔鞋，都几嫩滑，再加埋香甜惹味嘅沙嗲酱，简直系最佳嘅配搭。我哋亦都点咗唔少得嘅冬阴公汤，咁我哋只系嗌咗一个细size嘅冬阴公。佢嘅酸辣味都几足够，而且里面都有一只大头虾同埋加埋其他配料例如菇，海鲜都几足料㗎，而且辣又
咁一去到因为book咗位啦咁我哋就安排左可以坐咗喺里面张卡位度。之后坐低就睇吓有咩食叫啦，首先呢前菜方面呢我哋就点咗香辣肉碎生菜包同埋有个酸辣无骨凤爪。咁首先讲咗个生菜包先啦，佢啲肉碎煮得入味，而且系有好香酸辣味，十分之惹味，再配埋啲新鲜生菜，开胃非常。之后因为女朋友同埋佢妈咪都钟意食凤爪，所以就叫咗酸辣无骨凤爪，食落去酸酸味味几特别，而且质地有几弹牙，唔会太淋太硬，钟意食辣又或者食凤爪嘅朋友都值得推介！
咁食泰国嘢又点少得马拉盏炒通菜呢。果然依个菜都冇令到我哋失望，马拉盏好香而且通菜都又唔会煮得好淋，有啲咬口，食落好惹味，送饭一流。
之后我地叫咗一个泰式串烧拼盘，分别有两串猪同埋两串鸡，配沙嗲酱。咁首先猪肉同鸡肉都烧得好香口，而且肉质唔鞋，都几嫩滑，再加埋香甜惹味嘅沙嗲酱，简直系最佳嘅配搭。
我哋亦都点咗唔少得嘅冬阴公汤，咁我哋只系嗌咗一个细size嘅冬阴公。佢嘅酸辣味都几足够，而且里面都有一只大头虾同埋加埋其他配料例如菇，海鲜都几足料㗎，而且辣又唔会真系太辣，味道都几鲜味，岩晒女朋友妈咪唔太食得辣，值得推介。
除咗呢啲之外，我哋亦都见到一个优惠就系咖喱炒蟹-咁餐厅就做咗叫满＄300就可以优惠价＄78就叫左呢个炒蟹，蟹方面佢用咗肉蟹，肉多且爽口鲜甜，配埋唔会太辣又香喷喷ge黄咖喱，简直系可以送四五碗饭啊，而且成个蟹盖有多膏，实在系令人食过返寻味，而且非常抵食！
最尾我哋叫多左个菠萝海鲜炒饭，嚟到作为依餐ge完结。呢个炒饭系高质水准之作，因为炒饭加左黄姜粉炒，十分香口，而且菠萝十分鲜甜，再加埋上面嘅肉松鱿鱼等等嘅配菜简直系锦上添花二。
另外其实我哋都叫咗几杯野饮，分别就系有龙眼水-清甜润喉；
新鲜嘅泰国椰王，十分清甜，而且份量都够，够饮成餐饭；
珍多冰：足料，奶味够，几好饮
同埋唔少得嘅啤酒啦！
总括来讲呢餐实在系水准之作，住喺附近而又想食泰国菜嘅朋友有口福啦！
张贴
