添好運點心專門店 (已結業)

一个成日训到太阳落山既人，好小机会可以早上去茶楼食点心，添好运就可以帮到我满足食点心既欲望，因为就算夜晚都有点心食。添好运有好多间分店，今次黎到北角分店，由于添好运既名气大，就算黎到唔系游客区既北角都依然见到好多游客慕名而来。店内环境挤逼，但都无损我食点心既欲望。叫左5样点心，上菜速度都算快，所有都好新鲜全部热辣辣。酥皮叉烧包添好运最出名既酥皮叉烧包，一碟有三个，外表脆身，上面既皮甜甜地，入面叉烧热辣辣，叉烧粒份量多，甜咸夹杂，十分好食！叉烧肠饮茶点可以少得肠粉呢，叉烧肠一碟有三条，肠粉软滑，入面有叉烧同埋葱花系入面，叉烧有肥有瘦，配肠粉份外夹。咸水角咸水角外脆内软，而且新鲜炸出黎，入面既糯米皮配上冬菇粒同肥猪肉碎，系我每次饮茶必点既点心。虾饺虾饺一笼有四粒，皮薄，虾馅多，而且新鲜。烧卖最后系烧卖，一般街边档既烧卖我都会称佢做假烧卖，因为粉质好重，唔好食。反而食点心既烧卖系真系用猪肉做，所以口感好食好多。