牛一 (利港商場) (已搬遷) 新店位置

牛一喺香港仔插旗已经多个月， 琴晚系我第一次试一间火锅店。 我一行七人试一试呢个任饮任食。环境： 环境宽敞而且人好多，咁样食火锅呢就最好，因为人多啲食物可以不停更新就唔会长放喺度就唔新鲜啦。食物： 有好多丸类可以选择，而且又有好多唔同款可以拣。肠仔估唔到会用厨师肠，质素好好。有好多唔同款式嘅菜，钟意健康嘅你就可以大吃特吃。部饮水机非常先进，我都要花少少时间先识得点样揿啲汽水出嚟，一部机有唔同款式嘅汽水拣。和牛炒饭，钟意食火锅又钟意食饭嘅朋友可以一试。豉油都有成五款真系咩口味都有齐。牛肉和豚肉： 牛肉同猪肉切得够薄，打边炉渌一渌就即刻熟，而且品质高，比起其他任饮任食嘅例如X涮锅更加好食。甜品： 有云呢拿同紫薯雪糕任你整任你食，而且可以加唔同嘅配料，例如爆珠和棉花糖。服务： 服务几好， 换碟都好快，而且啲侍应好有礼貌。综合意见： 环境宽敞，食物品质高，服务都令人舒服，值得去试。