稻成京川滬 (新都會廣場)

营业中

休息中

寻日同家人食生日饭，又要泊车方便又要揾圆台，终于揾到呢间餐厅。记得几年前喺圆方食过印象都唔错，几年之后试呢间分店估唔到水准一样咁高。食物推介佢个口水鸡真系好香，香味好有层次，基本上系必点嘅头盘；炸臭豆腐咁邪恶嘅小食竟然喺度有得食， 人多就叫碟嚟试吓，香脆可口又唔会太油；再叫埋另一邪恶小食-黄金炸鱼皮，价钱唔贵细细碟一人一旧刚刚好。主菜叫咗片皮鸭，皮脆肉香份量都多8-10人食都够 ; 另外仲叫左辣子鸡都炒得好香，其他推介食物仲有川味凉粉，鸡丝粉皮，小笼包每样都好有水准。而酸菜鱼味道较一般，蚂蚁上树过份浓味，呢两样就唔系太推介啦。我哋食到好饱每人都系$200价钱算合理，餐厅环境同服务都唔错绝对有下次。不过留意返切饼费要$100就算叫甜品都无豁免。